Tanfust: Tumayt (Mythe) n tasmuqqalt n Jeddi* Tanfust: Yusef Oazz Eddin** Asughel: Said BELGHARBI “Tugha xsegh ad ttugh tarja-inu, war ssinegh mammec d ttusa ura d mani d turjigh, maca min day-s zrigh netta d tarezzit eggin tasmuqqalt (Lunettes) n jeddi deg uzyen n-sent, war ssinegh mammec eggin alami itwarzen d iceqfan, war ssinegh ma n amentil (cause) i yejjin amnus-nni izdegh di twangimt-inu, isweddar-ayi amezwar d umeggar n tarja-nni!!?...”. Zzat ma ad yemmet jeddi yenna-yi: - Amemmi-inu! Ad dac ejjegh tasmuqqalt-inu d aselghes (dépôt) deg ufus-nnec, yuccel (falloir) xaf-k ad asent tarred taynit min ghar tekk-d tediar-d, ghar-k ad asent imsar ca, amezruy n tasmuqqalt-a d amenzu, tugha djant d agra n ijjen n umsebrid itmuddu d amennejru deg umadval zi tmurt a ghar tenniden, d netta i day-i tent iwardan, zzat ma ad yuyar ad iweddar ghar ragwaj-nnes, deg ijj n wass n tejrest nnujwegh ghar-s; yenna-yi: (trigh ad dak wardigh tiwsiya, maca xsegh a-das tarred taynit; teddared d nigh temmuted!!...). Wami isala awalen-nnes, issenta ukuffu issfay-d d acemlal zeg uqemmum n jeddi, itmarrnid, itudum xef tassut, yiwedv alami yudum xef ufuss-nnes afusi zi yettef tasmuqqalt-nni. Twaligh jeddi yettvef day-sent` axmi war yesxi ad day-i tent iwarda, axmmi d tugha tayarzawt xef min day-i yenna, war zzay-sent yesxi waxxa raxart tessenta teghzvazv day-s, maca oini yessen min yeona azal nsent!?. Itwandvel jeddi deg ijj n uraq mani tupa issutar netta ad dinni indvel, di tmurt n ragwaj, manis war isvuref udvar. Zeryen xaf-i attvas n imalas, trigh ad arezmegh txabect di yeffar jeddi tasmuqqalt-nnes, txabect iqqarqec ughamus-nnes, tessur s wedrim d yejghulen d tioeqqayin n lluban, smuqlegh di tasmuqqalt-nni uffigh ibeddel wudem-nsen, axmi war yedji d yenni i day-i iwarda di tudart-nnes, oini ad yiri asmeskel (changer) n wudem-nsen d ijj zeg tuffrin d wadrug (mystique) nsen, oad twarigh day-sen tittvawin n jeddi d tibarcanin jeooarent id day-i, s ticarraw n tigwdi i day-i d yetvfen, marregh arrigh tent ghar txabect-nni iffaren di tburjet n wexxam-nnegh, mani yemmars adlis ughris (lkitab lmuqeddas). Adlis-nni tugha yeqqar-ayi xaf-s jeddi: - A memmi!! akuc deg udelis-a id-anegh d yenna amezruy-nnegh, oad ad dyas ltva di ghar nedwel ghar webrid nnes, maca ssutaregh zzay-k war tejja hedd ad isteftef di tefray-nnes!!. Marra yenni yessen jeddi zi radas, mkul ij d assagh (rapport) nnes xef umezruy n tasmuqqalt-nni, mkul ijj d tanfust-nnes, maca marra id-sen tghilen tasmuqqalt-nni iwca-s-ten ij n wudayy umi tugha yedja jeddi d anelmad di “lqacla” (casern) n teghremt (temdint) di Istvambul. Jar jeddi d wudayy-nni tugha dinni amuni n ict n tadukli temghar s wattvas. Maca ict n twessart ura d nettat tugha tedja d tamedukelt-nnes, tugha tessen xaf-s attvas n tuffrin, ijjen n twarat tenna-yi: - Amemmi!! mara texsed ad tesned tidet n tasmuqqalt n jeddec, sefled ghar-i ad dak d tinigh-nnec, tasmuqqalt-nni bab nsen d Mas ALMIJR SUN, maca war ssinegh wi ten zzay-s d yucaren, ad lami d iwdven ghar ifassen n jeddec, mara war eggwidegh ad sxarqegh; ad day-i iwadem akuc; oini d jeddec i ten yucaren s ughir zi mas-nni, nigh oini ispiten xaf-s, maca min snegh belli tasmuqqalt-nni ksin attvas n tuffrin, war zemmaregh ad dac ten-t inigh-nec!!.. Marra manawya war day-i yecqi, snegh belli remnadar n jeddi ghar sen amezruy yemghar, ghar sen azal deg uraq n tudart nnegh, d manawya id day-i yejjin ad asent arregh anict uyenni n taynit. Hima war tefghegh abrid id day-i yenna jeddi ad xaf-s uyaregh isvuraf-inu. Eddugh ghar taddart n umesgenfu n ti;;awin, waxxa tacigh ik-d rxezrat-inu amenn tenna, i ssek xaf-i mcinat ghef tittvawin-inu, ixezzar ma ad dasen tasmuqqalt n jeddi xef usmuqqel-inu, yenna-yi: - Wah!... tasmuqqalt a ghar-sen tinumal (attributs) am rxezrat-nnec nican!!... Maca nec ittvef-ayi u;ebhet ghar wawar-nnes, min war ugzugh; netta d mayemmi xaf-i d ghar-asen, d nitni n rxezrat n jeddi, nec tallin-inu war arwisent di tinni-nnes?!... Ass-nni i di jjigh amesgenfu, fgheghd zeg umesganfu (sbitvar); twarigh marra tiwwura n tudrin d leswaq n temdint arejrent, iwdan udrusen, zi twarat ghar tenniden ad twarid ca n ijj yezwa tma n webrid s umari d tazla, oini oemmars taghlemt a ma teddar tioejjuja am wass-a, teccur s rghetv n icaren t yedlin am tayyut?. Tiharya:in a iluled asid-sent abarru n yitvan, tmarnyend s watvas, zhir n tzut nsen di marra iruqaq, tenfifiren jar d jar, di ca n wexxam yarder nigh di ca n txuxxet jar igudar d icarcar, twarigh ijjen n weqzin i tennedv i yect n teqzint d tacemlalt, rajigh ad msvebdvan xef ayawya-nsen, maca uggin, eksigh d ijj n uceqquf n wezru heryegh-ten zzay-sen, maca yuggi ad zzay-s yarxu, twaligh mselsvaqen zi tcarmin-nsen, tugha war ssinegh belli tamsarawt nsen amenni id yegga, uffigh amenni; ejjigh-ten ad salan ddab-nni n tayri-nsen!!!... Ula d nnec ilehfayy uxeyyeq am tayyut n temdint, day-i amnus n tasmuqqalt-nni, egwdegh ad ten qqnegh xef tittvawin uca ad day-i imsar ca n umutten, nigh ad twarzen xef taqsuhi n tmurt, nigh ad weddaren di ca n mani` minzi nec lebda texsegh ad nnujwegh a;;as ghar mani tmunen lghaci, ghar tfeskiwin, d tfugla n tmeghriwin!!... Ij n twarat tugha yi d annuwji deg ict n tfaska, war ucigh ad lami d teqqim zzat-inu ict n tharmuct d tungalt n wudem, teqqim ttades d ghar-i s cway cwayt, tenna yid deg wawal-nnes amezwaru: - Attvas zi melmi d nnec ssarsegh xaf-k ti;;awin-inu, d zi melmi d nnec texsegh-cek!... Smuqlegh day-s, arrimet-nnes teksi timitar am tfelwin n unazur (artiste) PUPAN(1), tugha tacigh axmi d netta id tyarecmen s idvewdvan-nnes, turi d s waddud iqad, s tcuni izi tessur… Awalen-nnes teqqsen s lebhut, ttayemd asqinfet zi radjagh-nnes i tudum d day-i s cway cway, Axmi-nni tarezzem taqemmumt-nnes twaligh cwayt n tafrughi di tighmas-nnes, taghmuzin arenyen-t as azli d tcuni, tugha texsegh day-s attvas tizvemmi id tteg i tancucin-nnes, ineddeh-ayi ghar-s uyenni, trigh ad marghegh di arrimet-nnes… Dja tarjigh axmi necc d amsebrid, tfafigh deg umadval, ad lami uffigh ict n tegzirt teccur s tuzziyzewt d tseklutin ilelcen xef-tmewwa-nnes, mghar nec d tharmuct-nni day-s d imezdagh, traghigh-as s uzwel-nni i das eggigh TALAR (2), war ssinegh tidet n usemqar-nnes, neqqim sin idnegh n tenyuyur xef ict n hennayrurt yuyren ghar tseklut, TALAR axmi war d ttif tiwalin zi ghar texs ad tini min texs ad tini, taff tijdvidvin deghya sughulent asqar-nnes ghar iwalen; ghar ilaghan, mermi mma xzaregh ghar-s taffegh tittvawin-nnes bbehbaren tid ad runt s imettvawen di yeffar min war ssinegh. War ugzugh i mayemmi d ttaf askuti-nnes ghar imettvawen, oini txarras di takayt-nnes ass-nni umi d tew:a xef trict n uyyiss nni acemrar, wettvu-nni i day-s yejjin ayezzum war itgenfi; yeddar d iwezwizen xef u:ar-nnes afussi, mermi mma day-s tessendef ad ttayem imettvawen ghar ririwet n tallin-nnes. Nec d TALAR n msagar sin n twaratin di tudart-nnegh, deg ict n tfaska wami tughayi dinni d annewji` zi senni tweddar; war ssinegh manis i tekka limart-nnes, yeqqim ghar i d asutar ad tzaregh i twarat nniden, d suyenni mani mma tedja ca n tfaska d ca n tmeghra a dinni nnujwegh, qqaregh-as deg ixf-inu ad yiri TALAR aqqet dinni; huma anemsagar!!... Yezri ussegwass xef raxart n jeddi` u oad war qqinegh tasmuqqalt-nnes xef tittvawin-inu, war day-i yenni ixf-inu adaff sadu icudvadv n tuffrin, lebda tugha arezzugh ad arewregh zi tumyin i tugha day-i yeqqar jeddi di tudart-nnes. Maca tagezzant nni tawessart d min day-i tenna xef tasmuqqalt n jeddi, tejja-ayi ad xarsvegh mammec nniden, ict n twarat tused ghar i tarsa rizar; tezzwegh n lhenni tugha xef tifassin d ddarin-nnes; azyen n iffan-nnes yuffen seyhend d ioaryanen zeg warudv-nnes; tessezwegh ura d tancucin-nnes; tighmas-nnes ssajntid d tibarcanin… tarni i wudem-nnes ict n tezbibt ghef tagemmizt-nnes, tkehher i tittvawin-nnes tizagzawin, teqqim zzat-inu, tekkes xaf-s ahewwaq i tugha teghnes d acemlal, uca ucigh teqqar ayi axmi d ca n tarja zi krat n turjatin-nnes, tarja ya war ghar-s asenti ura d ameggaru, maca s krat idsent day-sent jeddi iddar jar-asent. Tenna deg ijj n ughezdis zi tarja-nnes: - I tettvef jeddi di twessart-nni, i kessit ghar-s ad t yessni xef trict n uyyiss-nnes acemlal, ad t yawi akid-s ghar teqseft-nnes, maca deghya itwanegh s ifassen n ca n iceffaren n webrid, tawessart-nni ucarent ghar-sen d tanecruft, teffar mani war yessin hed!!.. Deg ijj ughezdis nniden zi tarja-nnes; tennayi d: - Tugha ghar jeddec tam d mraw (18) n tmettvutin, d mkul icten d azri n wudem-nnes d mkul icten d timitar n tifraz-nnes… ura d ilsawen d tutalayin d timagitin-nsent msvebdvan-t, maca marra min yeqqimen zi tarrawet nsen-t d ijj n warba i yellan d ccek, deg imal ad tirid d agelid xef temdint-a, ad taffed tiwalfin-nnec uyrent di marra tiwa,iwin (régions), ad itwassen usemqar-nnec xef marra alsawen n imezdagh d midden, ad zzay-s semman tarrawt-nsen d ghar ilulen. Maca min yedjan d axatar di tarja n twessart-nni netta d min day-i tenna ammu: - Deg ijj n wass n tejrest; axmi-nni ghar tegged s wawal n jeddec ad teqqned remandar-nni xef tittvawin-nnec, ad tmerced ik-d tharmuct-nni umi teggid TALAR, zi senni ad temdukled ik-d lwacun nnes, a dac d arren azal-nnec, ghar unfarar ad ddewred d aselway n temdint-a!!... War ugzugh i marra min d yusin xef yiles n tgezzant-nni, war day-i tidfent tinfas n tumyin ghar twangint-inu, maca ghar umeggaru ucigh iked ixf-inu yiwyit wannay, s min d tugha dinni n waggu yeggin tisiynutin deg uxxam-inu, aggu zi tugha etteg timegga-nnes, war ucigh ik-d ixf-inu alami d kkaregh zi uhrudji-inu, uffigh tawessart-nni war yeqqim mghar araq-nnes, uffigh ixf-inu d aoaryan, arsigh mghar tirmect-inu, s umarret yuccar-ayi unudem n yi:es, war d kkaregh alami d xaf-i sijjen izenzaren n tfuyt, twaligh zzat-inu ca n iskiren (lahruz), yura day-sen: (egg s wawal n jeddec, eqqen tasmuqqalt-nnes… maca ghar-k ad texzar-d ghar mani nniden s nebla zzay-sen!!!...). Ixf-inu war izemmar ad yuyar ghar zzat, azder (svber, Patience) inu yefsi, war zemmaregh ad saligh tawuri iked inelmaden-inu, attvas n twaratin dja war ssinegh min tugha d-asen sselmadegh, ula d min xef tugha nessawal, maca tugha n tettves attvas deg ugherbaz, wenni ghar yurjan ca n turja am tenni inu ad yesmurs (réussir) ad d yawi tiwsi d tameqrant n ugherbaz. Inelmaden-inu tbeddalen attvas deg udmawen-nsen, iharmucen tmarniyen meqqaren s tazla zzat i tittvawin-inu, tiharmucin waxxa d timezyanen maca dja twarigh tibbicin-nsent sfuffuyentid waxxa l;a n tinenni-nsent oad war d yiwidv, zi twarat ghar tenniden ira swazzadvegh ghar-sent, ura d inelmaden-inu axmi-nni day-i twalan; arezzun ad eggen am-nec, nedwen deg ihesyan n ijj d wenniden` mermi-mma d-asen oawdegh xef tefray n umezruy n XALID BNU LWALID umi yengha MUSAYLIMA… tupa tacigh asid-sen teggen timegga am ibuhaliyyen, kssigh arekkudv zi ghar eccen aqabu, zawaregh-ten, ennigh-asen s taqsuhi n wawal-inu: -Uhu.. uhu!!... ma war tessinem belli aqqa-yi d anecruf n ixf-inu, war day-i arenyet tighufi, d imxumbal ghef tmukrisin di djigh, necc arezzugh ad tirim amen tenna` aqqa nec oad war eggigh s wawal n jeddi, tacigh ik-d ixf-inu war sekwigh walu, war djigh am umezwaru, war ssinegh min qqaregh ula d min teggegh, awalen a i da qqaregh war djin ca-inu, n twessart-nni tagezzant i ghar-i d dyusin tameddit-nni, i xaf-i yesrun aru:-inu, ura d amessegur n ugherbaz; ad ghar-s d teddu di ca n tmeddit ad das tegg am nnec!.. Trigh ad dawem inigh belli nec war djigh ca iked min tugha d awem sselmadegh n umezruy!!... D cwayt yudefd umessegur n ugherbaz, tugha itesla imarra min tugh d-asen ennigh, uca arenyegh deg wawal-inu: - Mri war tedji d HABSAT XAN ANNAQIB(3), ad dyili war arezmen tinmal (agherbaz) n tharmucin di teghlemt-a, ixessa ghef marra i dnegh ad nayer tasmaqalt n HABSAT XAN xef igudar n ixxamen nnegh, ixessa-anegh ad nessen amezruy-nnes, ad narzu deg umeddur-nnes, ad nesijj xef marra min tura di tudart-nnes!!... Yewta umesggur n ugherbaz xef teghru:t-inu, uca yenna yi s usfarnen: - Tanmmirt a yamselmed, cek d azwel n tneflit (développement) ugherbaz-nnegh, maca ghar-k ad tegged s wawal n jeddec; ad teqqned tasmuqqalt-nnes xef tallin-nnec, oini ghar ad tent tegged ad ibeddel umeddur-nnec, ad tbeddel ura d tudart n tawuri-nnec. Prigh ass n ideandvt deg ijj n ughmis n Taglanzit yura xef ijj n rmass day-s marra min yedjan d amenzu zeg wagra n jeddec, zi txedmiyin-nnes d mawsat d marra reqcuo-nnes… it oini tugha yeddar d aryaz s tirugza-nnes?... D cwayt udfend xaf negh ghar tinmel ca n ihewwasen, uzren ghar ragwaj xef inelmaden, swizdven ghar tasmaqqalt tugha yuyren xef telwiht n tira, ijj n zzay-sen yarzit; teftuttez d iceqfan, ijj n yeqqe: timessi di rcighed-nnes. Zi senni nexzar deg ayawya-nnegh uca nesfarnen deg udmawen-nnegh, war nuci arami n uffa ixf-nnegh deg ammas n lghaci, jar ipuyyan d lhesvran` deg umezwaru n lghaci-nni twarigh TALAR; tlagha s tagrawla, d lghaci ssefliden ghar-s; ccaten xaf-s camxat. War ucigh arami uffigh remnadar n jeddi ghef tittvawin-inu, oini tugha ggwdegh ad day-i weddaren jar tazliwin n lghaci, nigh ad twarzen jar aofass n idvaren-nsen, uffigh iwdan-nni marra jeooarend day-i, marra idsen arrin-ayi taynit axmi ghar-sen djigh d agellid, d nitni undven-ayi d am isemghan-inu!!... It oini amentil (cause) d tasmuqqalt-nni, d suyenni arezzun ad xaf-i hbibaren, huma war day-i ten i tekkes hed zeg iceffaren n temdint, uccigh ik-d usbirreh (tumart), wami uffigh marra iwdan-nni arrin-ayi anict uyennni n taynit, oini wami eggigh s wawal n jeddi; qqnegh tasmuqqalt-nnes i usmuqqel-inu!. Par radas n umuni-nni; twaligh taharmuct-nni umi eggigh TALAR teksi “lmikruffun” ad tessiwel ghar ugraw nni n yewdan, tenna-sen: - A ighermanen (citoyens) d ayt bab n temdint-nnegh, neqqar s tumart; arraqet zeg uselway amaynu; ghar yilin d adugam (symbole) n temdint-nnegh, ad yiri zzat nwem, zzat imarra timukrisin d ilaghan d tarezzutin-nwem, zi ssa d usawen war d ttifem tarwa-nwem ooureynen ula llu,en` aryaz a d netta i ghar yilin d agellid-nwem. Rexxu n tettar zzay-s ad yades ghar “lmikruffun” huma ad yini awal-nnes amezwaru i weghref-nnes (cceob, peuple). yemmarni zhir d umxetway n lghaci, marra ccaten camxat deg urawen nsen; marra snimmiren-ayi; ssemgharen zzay-i, uffigh marra ideghrin (élites) s tnebbadvt d imerdas d imsgenfa d imslmaden… n temdint eqqimen di temnadvt n mani ghar inigh awal-inu, marra temhizwaren ad day-i snen d min onigh. Ucigh iked tidi tessuf arrimet-inu marra, xarvegh deg wawal n twessart-nni, id yesfukkeren (dévoiler) d tidet, dewregh ghar ticarmin n twangint-inu uffigh d min teddaregh rexxu d wa d amezwaru n tarja-inu, teffeghd d nican tumyi n tgezzant-nni. Nemsemrac-nec d TALAR s izerfan n tarja, s nebra ma ad acigh; tugha toawadegh tarja-nni imarra lghaci-nni, d caway tesligh i zhir n trewriwin d ticti n zrayar deg ilem n wadjunen, d ighuyyan n yewdan, ennigh deg ixf-inu: - Min imsaren ammu, nec war t essinegh?!!... Tenna yi d temghart-inu: - Marra manwya d awardi i-cek, d tiwsi xef taryazt-nnec, i ten yejjin ad tirid d aselway-nsen. Necc tugha war xsegh ca ad irigh amya, dewregh ghar ixf n tarja-inu, dewregh ad dasen inigh awalen-nni isligh deg umezwaru-nnes, ennigh-asen s ubbuybeh n tmijja-inu: - War xsegh ca ad zzay-i tagwdem am waff, nec ad irigh d aselway nwem i drust n ltva, ad irigh i ijj n wass, tettaregh zzay-kum ad day-s tetvsvem ad turjam ict n tmeddit d tacemlalt. Arezzugh zzay-kum ad tfarrnem amezruy nwem, zeg i icettvihen id dawem sselmaden di tinmal-nwem, ixessa ad tessmezyem idlisen n-wem zeg wa;;as ghar drust n tefray, minzi marra d ixarriqen min day-sent i twarin!!... Umi d dewregh ghar bidet-inu, uffigh min tugha qqaregh war yedji d awal ura d tarja, netta d min tugha urigh n wassagh (rapport) i ynelmaden-inu, ssutaregh day-s ad nekkar ad n bed xef i:aren-nnegh ad negg fuss deg ufuss, ad narr azal i umezruy-nnegh; d ayenni i yedjan d agra-nnegh, ixessa-negh ad nessiriw idlisen s tira xef tudart-nnegh, ad day-sen negg ameddur n jeddi, zi ssa d usawen ad nedwel ghar tidet n umezruy-nni, ghar yirem-nnegh, ad nars arrudv n inuba-nnegh, ad necc macca-nsen, ad negg asebdad (statue) i jeddi d tam d mraw n timgharin-nnes deg ubarraz n teghremt… Ssawalegh am ugrawli; d lghaci ccaten camxat deg uruten-nsen, s remandar-nni twarigh ten marra d itejjalen, udmawen-nsen marra ghuysen am isemghan i ijeyyef umarret… Kkarend ca n imcumen, arzin s ughewwegh nsen awal-inu, maca deghya twacarfen, war ugzugh i mayemmi eggin amenni, deg wawal ameggaru ennigh i wepref-inu (cceob): - Oini marra idkum tesnem agraw-nni n imghewghen, d yenni i yarrin ighmisin-nsen i umsegdal (discussion) jar asen, arrin tent i tira-nsen, i tismaqlin-nsen!... Oini war xsen ad negg asebdad (statue) i jeddi d tam d mraw n temgharin-nnes?!! Yuccel (falloir) xef-negh ad ten ncarref huma war teggen imesbeddan i nitni d lwacun-nsen waha, maca s webrid n tagdudit i di neggur; ad das-n newc tahwict n temdint a day-s fsaren tira-nsen d tiwalfin-nsen d tinni n lwacun-nsen. Ar rexxu isnegh belli tarja-inu orayen ad tsala, snegh belli aqqa-yi deg zullen-nnes. Zi Lagwaj twarigh tawessart-nni tesghuyyu jar lghaci, war ugzugh (je ne comprenais pas) i min d tyughin, ucigh iked tidi tessur arrimet-inu, mhizwaregh ad mmutyegh ghar mani` d tasmuqqalt-nni wdvan-ayi-d ghar tmurt, arzen d iceqfan war itmunen. Mourejjand xaf-i lghaci-nni, swizan xafi s uqabu, arami day-i yiwi wannay, umi ghar arezmagh cwayt ti;;awin-inu twarigh tagezzant-nni teqqar-ayi s wawal ibbuybeh: - T eggid akacef (rehcum, honte) i jeddec, Zzat ma ad mtegh, darroegh s tayri s idvewdvan-inu i iceqfan n tasmuqqalt-nni ghar-I, twarigh day-sen tittvawin n jeddi smuqqulen tid ghar-i; ucigh mri tugha yeddar tiri issusef xaf-I, tiri yenna-yi: - Nec ewcigh-ak-ten a zzay-sen tghared adlis ughris (lkitab lmuqeddas), ad zzay-sen tesijjed xef umezruy-nnegh… Asughel a: deg unebdu n 2959/2009 _________ * Asaffegh (source) n tenfust a yura s yiles n Tkurdit; issughlit Makram Racid Atvalibani ghar teorabt, assughel a yused zi taorabt ghar Tamazight. ** Yusef Oazz Eddin, Ilul di temdint n Slimaniya di tmurt n Kurdistan n Loiraq, d amyaru d ungali d Akurdi, i tari s tutelayt n tkurtid d teorabt, tugha t d anecruf di tkermutin (lehbes) n ukabar Abeoti adiktaturi. Ifsar tira nnes timezwura di tesghunt n Mabind, tugha d issufugh Asinag (Institut) n tussna Takurdit di temdint n Lundun di Britvanya, zeg idellisen nnes i twafsren s tutlayt n Takurdit: - (Udmawen imaynuten n ca n tenfas oad war twarint). Ungal, 2006 Slimaniya. - (Aghendef n Salman Lfarisi). Ungal, 2009 Slimaniya. - (Tanda idammen), Tinfas tiqudvadvin 2008. 1) Pul Ghughan (1848-1903), d anazur, yemma s zi Fransa baba s zi Biru, i twassen attvas s telwihin nnes deg iyyar n tazuri tamedvlant. (Yarnut umsuqqel, Ajouté par le traducteur). 2) TALAR: Asemqar a d Akurdi (Yarnut umsuqqel). 3) HABSAT XAN ANNAQIB: d tamghart n Ccix Mahmud Albarzanji, Zi tmettutin n umezruy n Kurdistan, d icten zey timeghnas n tagrawla Takurdit. (Yarnut umsuqqel). * * * * * * http://ageddim.jeeran.com/archive/2009/11/965110.html
الاربعاء, 04 نوفمبر, 2009
أضف تعليقا
أضف تعليقا
<<الصفحة الرئيسية
